Ishga joylashtirishni va'da qilib, jinoyatga qo‘l urgan shaxs ushlandi

2019 yil 27 iyul kuni huquqni muhofaza qiluvchi organlari tomonidan tezkor tadbir o‘tkazilgan. Bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar bermoqda.

Tadbir davomida Qashqadaryo viloyatining Qarshi shahrida yashovchi 36 yoshli I.T. J.Manguberdi ko‘chasida yashovchi 24 yoshli D.R.ni Koson tumanida joylashgan jazoni ijro etish muassasasiga ishga joylashtirib qo‘yishlikni va'da qilib, aldab ishonchiga kirib, undan 3500 AQSh dollarini olayotgan vaqtida I.T. qo‘lga olingan.

Holat yuzasidan jinoyat ishi qo‘zg‘atilib, tergov harakatlari olib borilmoqda.