Hindistonning sobiq tashqi ishlar vaziri hayotdan ko‘z yumdi

Hindistonning sobiq tashqi ishlar vaziri Sushma Svaraj 67 yoshida hayotdan ko‘z yumdi. Bu haqda India Today nashri xabar berdi. 

Nashrning ta'kidlashicha, ayol 2016 yilda buyrakni ko‘chirib o‘tkazish operatsiyasini o‘tkazgan.

Hindiston bosh vaziri Narendra Modi Svarajning vafoti munosabati bilan o‘z hamdardligini bildirgan. “Svarajning vafoti – shaxsiy yo‘qotishdir. Uni Hindiston uchun qilgan barcha ishlari uchun eslab qolishadi. Mening barcha o‘ylarim bu og‘ir damda uning oilasi, tarafdorlari bilandir”, deb yozgan Modi tvitterda.

Ayol vazirlikka 2014 yildan 2019 yil mayigacha rahbarlik qilgan.