AQSh Snouden ustidan sudga da'vo arizasi berdi

AQSh maxsus xizmatlarining sobiq xodimi Edvard Snouden “Shaxsiy ish” nomli memuarini nashr etdi. Kitob 20 ta mamlakatda sotuvga chiqariladi. 

Kitob AQSh adliya vazirligining noroziligini keltirib chiqardi, chunki u Milliy xavfsizlik agentligi va Markaziy razvedka boshqarmasi bilan kelishilmagan.

Adliya vazirligi Virjiniya shtati sudiga Snoudenga nisbatan “oshkor qilmaslik” majburiyatini buzgani uchun da'vo arizasi topshirgan.

Vazirlik kitobning sotilishidan tushgan barcha daromadlarga huquqni o‘ziga olmoqchi.