Farg‘onada aviatsiya bombasi topildi

Farg‘ona viloyatining Quva tumanida kutilmagan holat kuzatildi. Bu haqda “Postda” nashri xabar bermoqda.

Qayd etilishicha, joriy yilning 7 oktabr kuni soat 16:00larda “Turk” mahalla fuqarolar yig‘ini hududida joylashgan “Abduqodir” bog‘dorchilik fermer xo‘jaligining gilos bog‘idan shartli belgilarsiz, uzunligi 94 sm., og‘irligi 150 kg. bo‘lgan aviatsiya bombasi topilgan. 

“Xayriyatki, hech kimga zarar yetmadi”, - deyiladi IIV nashri xabarida.

Bildirilishicha, ayni paytda yo‘q qilish maqsadida harbiy qismga topshirilgan bombaning bog‘da qanday paydo bo‘lib qolgani, qanchalik xavfliligi yuzasidan surishtiruv ishlari olib borilmoqda.