2020 yilda foyda solig‘i stavkasi oshirilishi kutilyapti

2020 yilda foyda solig‘i stavkasi oshirilishi kutilmoqda. Bu haqda «Fuqarolar uchun budjet 2020» loyihasida aytilgan.

Hozirgi kunda stavka 12 foizni tashkil etadi, kelasi yildan esa uni 15 foizgacha ko‘tarish mo‘ljallanmoqda. Tijorat banklari uchun soliq stavkalari hamda sement (klinker) va polietilen granulalar ishlab chiqarishni amalga oshiruvchi, shuningdek, asosiy faoliyat turi mobil aloqa xizmatlari ko‘rsatishdan iborat bo‘lgan yuridik shaxslar uchun soliq stavkalari 20 foiz miqdorida saqlab qolinmoqda.

Budjet loyihasi aytilishicha, Belarusda foyda solig‘i stavkasi 18 foizni tashkil etadi. Qozog‘istonda - 20 foiz, Rossiyada - 20 foiz, Tojikistonda - 23 foiz, Qirg‘izistonda - 10 foiz, Gruziyada - 15 foiz.

Investor foydasiga umumiy soliq yuki esa Belarusda - 28,7 foiz, Gruziyada - 19,3 foiz, Qozog‘istonda - 24 foiz, Qirg‘izistonda - 10 foiz, Rossiyada - 30,4 foiz, Tojikistonda - 32,2 foiz, O‘zbekistonda (2019 yil) - 16,4 foiz va 2020 yilda - 19,3 foiz.