FIFA reytingi: O‘zbekiston o‘z o‘rnida qoldi

Foto: Tribuna.uz

Xalqaro futbol federatsiyasi (FIFA) milliy jamoalarning dekabr oyi reytingini e'lon qildi.

Ro‘yxatda O‘zbekiston milliy jamoasining o‘tgan ikki oyga nisbatan o‘rni o‘zgarmadi va 1289 ochko bilan 85-o‘rinda qoldi.

Osiyoda Vadim Abramov shogirdlari 12-pog‘onani egallab turibdi. Biz Yaponiya (28), Eron (33), Janubiy Koreya (40), Avstraliya (42), Qatar (55), Saudiya Arabistoni (67), Iroq (70), BAA (71), Xitoy (76), Suriya (79) va Ummon (82) milliy jamoalaridan keyingi o‘rindamiz.

Jahon reytingini 1765 ochko bilan Belgiya milliy jamoasi boshqarib turibdi. Fransiya (1733) va Braziliya (1712) milliy jamoalari kuchli uchlikni yakunlab berishgan.

Top-50 milliy jamoalar reytingida bitta o‘zgarish yuz berdi – Janubiy Koreya termasi 41-o‘rindan 40-pog‘onaga ko‘tarildi.

Top-10 milliy jamoalar reytingi:
1. Belgiya – 1765 ochko
2. Fransiya – 1733
3. Braziliya – 1712
4. Angliya – 1661
5. Urugvay – 1645
6. Xorvatiya – 1642
7. Portugaliya – 1639
8. Ispaniya – 1636
9. Argentina – 1623
10. Kolumbiya – 1622.