Xorvatiyada prezident saylovlari bo‘lib o‘tadi

Xorvatiyada 22 dekabr kuni prezident saylovlari bo‘lib o‘tadi. Ushbu lavozimga 11 kishi, jumladan amaldagi prezident Kolinda Grabar-Kitarovich da'vogarlik qilmoqda.

Oxirgi jamoat fikri so‘rovnomalariga ko‘ra, saylovlarda g‘alaba qozonishga asosiy da'vogarlar Grabar-Kitarovich, Sotsial-demokratik partiya nomzodi, sobiq bosh vazir Zoran Milanovich va qo‘shiqchi Miroslav Shkoro hisoblanadi.

Mamlakat saylov komissiyasi ma'lumotlariga ko‘ra, saylovlarda 3,8 mlnga yaqin odam ishtirok etish huquqiga ega. 

Xorvatiya prezidenti bir muddatga qayta saylanish huquqi bilan 5 yilga saylanadi. Agar nomzodlardan birortasi 1-turda 50 foizdan ko‘proq ovoz to‘play olmasa, 14 kundan keyin 2-tur bo‘lib o‘tadi va unda 1-turda eng ko‘p ovoz to‘plagan ikki nomzod ishtirok etadi.