Mirzo Ulug‘bek tumani hokimiga yangi o‘rinbosarlar tayinlandi 

Bobur Jo‘rayev Mirzo Ulug‘bek tuman hokimining iqtisodiyot va tadbirkorlik masalalari bo‘yicha birinchi o‘rinbosari etib tayinlandi. 

Bobur Jo‘rayev 1986 yilda Toshkent shahrida tavallud topgan. 2007-2009 yillarda Toshkent davlat pedagogika universitetini bakalavr-magistratura yo‘nalishlarini tamomlagan. 2015 yilda Toshkent davlat iqtisodiyot universitetida tahsil olgan. 2019 yilda O‘zbekiston Respublikasi prezidenti huzuridagi Davlat boshqaruvi akademiyasini tamomlagan.

Mehnat faoliyati davomida Mirzo Ulug‘bek tuman hokimligining Tashkiliy-nazorat guruhi rahbari, tuman hokimligi Apparati rahbari lavozimida ishlagan.

Shuningdek, Sevara Husanova Mirzo Ulug‘bek tuman hokimining o‘rinbosari, tuman  Xotin-qizlar qo‘mitasi raisi etib tayinlandi.

Sevara Husanova 1971 yil 1 iyulda Toshkent viloyatida tavallud topgan. 1995 yilda Toshkent Pediatriya tibbiyot instituti tamomlagan.

2011-2017 yillarda Mirzo Ulug‘bek tumanidagi 8-son oilaviy poliklinika bosh shifokori, 2017 - 2020 yillarda Mirzo Ulug‘bek tuman tibbiyot birlashmasi boshlig‘i lavozimlarida faoliyat olib borgan.

Eslatib o‘tamiz, ayni paytda Shavkatbek Ergashev Mirzo Ulug‘bek tumani hokimi sifatida ishlab kelmoqda.