Xorazm viloyatida elektr energiyasi ta'minotida uzilishlar bo‘ladi

«Xorazm hududiy elektr tarmoqlari» AJ matbuot xizmati xabariga ko‘ra, Taxiatosh Issiqlik Elektr Stansiyasining 7-energiya blokida ta'mirlash ishlari olib borilishi tufayli kun davomida ba'zi tumanlar va shaharlar elektr energiyasi ta'minotidan uziladi. Ta'mirlash ishlari soat 23:55gacha davom etadi.

Eslatib o‘tamiz, Taxiatosh IES Qoraqalpog‘istonning Taxiatosh shaharchasida joylashgan bo‘lib, Qoraqalpog‘iston Respublikasi va Xorazm viloyatini elektr energiyasi bilan ta'minlaydi.