Qoʻshimcha funksionallar
-
Tungi ko‘rinish
Qozog‘iston Rossiyadan benzin va dizel yonilg‘isi kiritilishini taqiqladi
Qozog‘iston Rossiyadan benzin va dizel yonilg‘isi kiritilishini taqiqladi. Bu koronavirus pandemiyasi sababli amal qilayotgan favqulodda vaziyat sharoitida yonilg‘i iste'moli hajmi kamaygani bilan bog‘langan.
Rossiyadan benzin, dizel va aviatsiya yonilg‘isining Qozog‘iston ichki bozoriga kiritilishi vaqtincha taqiqlangan.
Taqiqlov 31 martdan kiritilgan. Qozog‘iston, shuningdek, benzin va neft mahsulotlari eksportini oshirish bo‘yicha choralar ko‘rmoqda.
Avvalroq Qozog‘iston favqulodda vaziyat sharoitida iste'mol hajmi kamaygani sababli Rossiyadan temir yo‘l transporti bilan yonilg‘i importini 3 oylik muddatga taqiqlamoqchiligi ma'lum qilingan. Bu haqidagi buyruq 24 mart kuni Qozog‘istonning normativ-huquqiy hujjatlar portalida ommaviy muhokamaga qo‘yilgan.
Qozog‘istonda 16 martdan koronavirus tarqalishi oldini olish maqsadida favqulodda vaziyat rejimi amal qilmoqda. 19 martdan esa Qozog‘istonning eng yirik ikkita shahri – Nur-Sulton va Olmaota karantinga yopilgan.
