Tramp AQShga Oy zaxiralaridan foydalanish huquqini beruvchi farmonni imzoladi

Bu haqda Oq uy matbuot xizmati xabar berdi.

“Amerikaliklar koinotdagi zaxiralarni tijoriy tadqiq qilish, qazib olish va foydalanish huquqiga ega bo‘lishlari kerak”, deyilgan farmonda. 

Farmonda ta'kidlanishicha, koinot yuridik va jismoniy tomondan “inson faoliyati uchun o‘ziga xos hudud hisoblanadi va AQSh unga umumiy mulk sifatida qaramaydi”, shu sababli AQShning bu boradagi siyosati “koinotda zaxiralarni olish va ularni qo‘llashning xalqaro qo‘llab-quvvatlanishini rag‘batlantirishga qaratilgan bo‘lishi lozim”. 

Farmonda AQSh Oy va boshqa samo jismlarida davlatlarning faoliyati haqidagi kelishuvni tan olmasligi ta'kidlab o‘tilgan. “Shu munosabat bilan davlat kotibi har qanday davlat yoki xalqaro tashkilot tomonidan Oy haqidagi kelishuvni xalqaro huquqni aks ettiruvchi yoki ifodalovchi hujjat sifatida talqin qilinishi urinishlariga qarshilik ko‘rsatishi kerak”, deyilgan farmonda.  

Oyda va boshqa samo jismlarida davlatlarning faoliyati haqidagi kelishuv BMT Bosh assambleyasi tomonidan 1979 yilda qabul qilingan. Unda Oyni tadqiq qilish va undan foydalanishga butun insoniyat haqli ekani va u dunyo davlatlari manfaati yo‘lida amalga oshirilishi ta'kidlab o‘tilgan. Oyni tadqiq qilish bilan shug‘ullanuvchi davlatlar hamkorlik va o‘zaro yordam tamoyillariga asoslanishi lozim.

“Oy unga na suverenitetni e'lon qilish, na undan foydalanish yoki bosib olish, na boshqa har qanday vosita bilan bir davlat tomonidan o‘zlashtirilmaydi”, deyilgan kelishuvda.

Tramp fevral boshida kongressdan Mars va Oyga parvozlar dasturiga pul aratishni so‘ragan. AQSh prezidenti bu “Oydagi keyingi erkak va ayol amerikalik astronavtlar bo‘lishi kerakligi, AQSh Marsda bayroq o‘rnatadigan birinchi davlat bo‘lishi uchun zarurligini” aytgan.