Putin Yevrosiyo iqtisodiy ittifoqini kengaytirishga shoshmaslikka chaqirdi

“Biz kengayishga ham, muayyan bosqichlardan sakrab o‘tishga ham shoshmayapmiz. Chunki dunyoning boshqa mintaqalarida, misol uchun deylik, Yevropada integratsiya jarayonlari qanday kechayotganini ko‘rmoqdamiz. U yerda ko‘plab murakkabliklar yuzaga keldi. Shu sababli shoshmasdan, asta-sekin harakat qilish lozim”, deb aytgan Putin. 

Rossiya prezidenti YeOII idealda qanday bo‘lishi kerakligi haqidagi savolga “mukammal narsalar, jumladan, mukammal davlatlararo munosabatlar bo‘lmasligini” aytgan.

“Yechimlar – bu hamisha murosalardir, ya'ni kimdir kimgadir nimadadir yon bosadi va mukammal vaziyat, bir qarashda, yo‘q. Biroq u shu bilan mukammalki, biz tomonimizdan shakllantirilgan munosabatlar tizimi bu murosalarga erishishga imkon beradi”, deb aytgan Rossiya prezidenti. Putinning ta'kidlashicha, YeOIIda yechimlar “qo‘lni qayirish” yo‘li bilan emas, balki ko‘ngilli tarzda qabul qilinadi va haqiqatan ishlaydi.   

Ayni vaqtda YeOIIga Armaniston, Belarus, Rossiya, Qirg‘iziston va Qozog‘iston a'zo davlatlar hisoblanadi.