Ispaniyalik 113 yoshli ayol koronavirusdan sog‘aydi
Ispaniyaning eng keksa ayoli, 113 yoshli Mariya Branias koronavirusdan sog‘ayib ketdi.
Bu haqda uning yaqinlari tvitterda ma'lum qilishdi.
Ta'kidlanishicha, momo oxirgi 20 yil davomida Jirona provinsiyasidagi qariyalar uyida yashab keladi. Aprelda unda koronavirus alomatlari paydo bo‘lgan. Kasallik yengil o‘tgan. May boshida esa shifokorlar ayolning sog‘ayib ketganini tasdiqlashgan.
Ayol kasalligi vaqtida o‘z xonasida izolyatsiyada qolgan va muntazam ravishda oila a'zolari bilan telefon orqali muloqot qilib turgan.
Ammo baxtga qarshi, ayol yashagan qariyalar uyida bir necha kishi koronavirusdan vafot etgan.
Branias 2019 yildan beri Ispaniyaning eng keksa ayoli hisoblanadi. U 1907 yilda AQShning San-Fransisko shahrida ispan muhojirlari oilasida dunyoga kelgan. Ma'lum vaqtdan keyin uning oilasi Ispaniyaga qaytgan. 1937 yilda ayol shifokorga turmushga chiqqan. Hozirda uning 3 farzandi, 11 nabirasi va 13 abirasi bor. Mariya o‘zining uzun hayoti davomida 1918 yildagi qirg‘inbarot “ispan grippi” va 1936-1939 yillardagi fuqarolik urushini boshdan o‘tkazgan.
Mavzuga oid
16:39 / 10.09.2024
Issiq havo tug‘ilish darajasini pasaytiradi - tadqiqot
08:36 / 10.09.2024
Ispaniya bosh vaziri Xitoy va YeI o‘rtasidagi savdo mojarosini bartaraf etishga urinib ko‘rdi
23:59 / 02.09.2024
Sevilyada noroziliklar: G‘arbiy Nil virusi besh kishining o‘limiga sababchi bo‘ldi
17:50 / 24.08.2024