Vashingtondagi G7 sammiti boshqa sanaga ko‘chirildi
AQSh Vashingtonda 10 iyunda o‘tishi rejalashtirilgan “Katta yettilik” sammitini koronavirus pandemiyasi sababli iyun oxiriga ko‘chirdi.
Bu haqda AQSh prezidentining milliy xavfsizlik bo‘yicha maslahatchisi Robert O'Brayyen CBS telekanali efirida ma'lum qildi. G7 davlatlari yetakchilarining yuzma-yuz sammiti o‘tkaziladigan aniq sana keyinroq ma'lum qilinadi.
“G7 sammiti yuzma-yuz formatda o‘tgudek bo‘lsa, u iyun oxirida bo‘lib o‘tadi. Fikrimcha, biz Vashingtonda koronavirus epidemiyasining eng yuqori cho‘qqisiga yaqinmiz, agar hozirda unda bo‘lmasak”, deb aytgan O'Brayyen.
Uning ta'kidlashicha, “Katta yettilik”ning barcha yetakchilari sammitning videoanjuman o‘rniga yuzma-yuz shaklda o‘tkazilishiga qiziqish bildirmoqda.
“Biz yetakchilar bu yerga kela olishlari uchun hamma koronavirusga test topshirgani, vaziyat xavfsiz ekanligiga ishonch hosil qilishimiz lozim”, deb qo‘shimcha qilgan Tramp maslahatchisi.
Avvalroq Donald Tramp G7 sammiti koronavirus pandemiyasi tufayli xalqaro harakatlanish to‘xtatilgani va karantin kiritilgani sababli G7 sammiti videoaloqa formatida o‘tishini ma'lum qilgandi. Biroq joriy haftada Tramp o‘z fikrini o‘zgartirib, Vashingtonda sammitni o‘tkazmoqchiligini ma'lum qilgan.
Mavzuga oid
08:50 / 14.09.2024
Vashington va London Ukrainaning Rossiyaga zarba berishi bo‘yicha qarorni keyinga qoldirdi
07:56 / 06.08.2024
G7 tashqi ishlar vazirlari Yaqin Sharqdagi vaziyatni yumshatishni talab qildi
08:30 / 15.06.2024
G7: Rossiya Ukrainaga yetkazilgan zarar uchun 486 mlrd dollar to‘lashi kerak
09:30 / 14.06.2024