Qoʻshimcha funksionallar
-
Tungi ko‘rinish
«Sardoba» fojiasida yo‘qolgan 2224ta hujjat egalariga tiklab berildi – DXA
Hujjatlarni tiklash bog‘liq barcha harakatlar bepul asosda amalga oshirilmoqda.
Sirdaryo viloyatida “Sardoba” suv omboridagi toshqin natijasida zarar ko‘rgan fuqarolarning yo‘qotilgan hujjatlari bepul ravishda tiklab berilmoqda.
2020 yil 9 iyun holatiga ko‘ra, Davlat xizmatlari agentligi tomonidan 2224ta hujjat, xususan, 1673ta tug‘ilganlik, 479ta nikoh, 3ta nikohdan ajrim va 49ta o‘lim guvohnomalari qayta rasmiylashtirilib berildi. Bu haqida Davlat xizmatlari agentligi axborot xizmati rahbari Sevara Zokirova ishtirokidagi brifingda aytib o‘tildi.
“Sirdaryo viloyatining barcha tuman va shaharlaridagi evakuatsiya hududlari va aholi xonadonlariga ko‘chirilgan, suv toshqinidan jabrlangan fuqarolar bilan suhbatlar o‘tkazildi.
Shakllantirilgan ro‘yxatga asosan bugungi kunga qadar 2309ta holat bo‘yicha hujjatni tiklash haqidagi arizalar olindi.
O‘z xonadonlariga qaytgan fuqarolarga tiklangan hujjatlar tuman Davlat xizmatlari markazlari va FHDYo bo‘limi mas'ul xodimlari tomonidan uylariga borib topshirilmoqda”, deya Sevara Zokirovaning so‘zlarini keltirmoqda Kun.uz muxbiri.
Ma'lum qilinishicha, hujjatlarni tiklash bog‘liq barcha harakatlar bepul asosda amalga oshirilmoqda.
Sardobada suv toshqini
Mavzuga oid
23:37 / 06.05.2024
Sirdaryodagi maktabda o‘quvchilar klip tomosha qildi, sinf rahbaridan direktorgacha ishdan olindi
07:34 / 20.04.2024
Tadbirkorning 943 mln so‘mlik materiallarini o‘zlashtirgan sobiq menejer aniqlandi
23:56 / 02.05.2023
Sardoba fojiasiga 3 yil: oldini olish mumkin bo‘lgan falokat va uning oqibatlari
13:53 / 18.09.2022