DTM: Stadionlarda ham yopiq binolardagidek sharoitlar yaratiladi

«Bundan xavotir olish kerak emas. Bir abituriyentning o‘rniga boshqa abituriyent kirib qolishi holatlari bo‘lishiga yo‘l qo‘yilmaydi. Har bir stolda abituriyentlar uchun javob varaqasini to‘ldirish bo‘yicha ko‘rsatmalar bo‘ladi. Stadionlar tablolar, ovoz kuchaytirgichlar bilan ta'minlanadi, test vaqti qachon tugashi haqida ma'lumot olib turish uchun sharoit yaratiladi», – dedi Barno Rajabov 7 avgust kuni AOKAdagi matbuot anjumanida.

DTM direktori o‘rinbosari Sardor Rajabov ijtimoiy masofa saqlash sharoitida o‘tkaziladigan imtihonda ham nazoratchilar abituriyentlarga kerakli yordamni ko‘rsata olishini aytdi.

«Agar abituriyentga individual yordam berish kerak bo‘lsa ham, uning yoniga borib yordam ko‘rsatishlari mumkin. Hamma himoya kiyimlarida bo‘ladi», – dedi Sardor Rajabov.

Eslatib o‘tamiz, imtihonlar 2 sentyabrdan boshlab Toshkent va Nukus shaharlari hamda viloyatlar markazlaridagi stadionlarda o‘tkaziladi.

O‘qishga qabul qilingan talabalar uchun darslar 1 oktyabrdan yo an'anaviy shaklda, yo masofaviy tarzda boshlanadi.