Hindistonda koronavirusga dunyodagi birinchi qog‘oz test ishlab chiqildi
Hindistonlik olimlar koronavirusni aniqlovchi arzon va tezkor qog‘oz test ishlab chiqishdi. Feluda deb nomlangan test bir soatdan kam vaqt ichida natijani beradi va 500 rupiy (6,75 dollar) turadi.
Testning aniqligi 96 foiz darajasida baholangan. Test Crispr deb nomlangan genlarni tahrirlash texnologiyasiga asoslangan. U Dehlidagi Genomika va integrativ biologiya institutida ishlab chiqilgan.
Test Hindistonning Tata konglomerati tomonidan ishlab chiqariladi va koronavirusga dunyodagi birinchi qog‘oz test bo‘ladi.
“Bu sodda, aniq, ishonchli va tejamkor testdir”, deb aytgan Hindiston hukumatining bosh ilmiy maslahatchisi professor Vijay Ragxavan.
Test 2000 bemorda sinovdan o‘tkazilgan. Sinovlar davomida u 96 foiz sezuvchanlikka, 98 foiz spetsifiklikka egaligi o‘rnatilgan. Testning yuqori sezuvchanligi koronavirusga chalingan deyarli barchani aniqlash, yuqori spetsifikligi esa bu kasallikka chalinmaganlarni istisno qilish imkonini beradi.
Hindistonning dori-darmonlar bo‘yicha mas'ul idorasi testni tijoriy maqsadda qo‘llashga ruxsat bergan.
Mavzuga oid
22:24 / 19.09.2024
Samsung’ning Hindistondagi zavodi xodimlari ish tashlash e’lon qildi
01:33 / 14.09.2024
Rossiya Modining talabidan keyin 45 nafar Hindiston fuqarosini armiya safidan bo‘shatdi
15:43 / 12.09.2024
Hindistonda soxta «shifokor» YouTube’dagi videolarga qarab o‘smirni operatsiya qildi. Bola vafot etdi
12:46 / 10.09.2024