Makron Putindan terrorizmga qarshi kurashda hamkorlikni kuchaytirishni so‘radi

Yelisey saroyi tomonidan berilgan bayonotga ko‘ra, Makron Putindan terrorizm va noqonuniy immigratsiyaga qarshi kurashda hamkorlikni kuchaytirishni so‘ragan.

Kreml tomonidan berilgan bayonotda, Putin 16 oktabr kuni Parij yaqinidagi Konflans-Tsent-Honorin okrugida o‘qituvchi vafot etgani uchun Makronga hamdardlik bildirgani aytilgan. Ikki davlat rahbarlari terrorizmga qarshi kurashda birgalikdagi sa'y-harakatlarni kuchaytirishga kelishib olishgani bildirilgan.

Fransiya rasmiylari yuqoridagi qotillikda gumon qilinayotgan shaxs Moskvada tug‘ilgan chechen ekanligini ta'kidlashgan.

«Bu qotillikning Rossiya bilan hech qanday aloqasi yo‘q. U (o‘qituvchini o‘ldirgan qotil) Fransiya tomonidan qabul qilingan va bu mamlakatda 12 yildan beri yashab kelgan», — deyilgan Parijdagi Rossiya elchixonasi bayonotida.

Shuningdek, mamlakat rahbarlari Tog‘li Qorabog‘dagi vaziyatni ham o‘zaro muhokama qilishgan.