Vetnamda ko‘chki oqibatida 46 kishi bedarak yo‘qoldi

Vetnamning Kuangnam provinsiyasida “Molave” to‘foni olib kelgan kuchli yomg‘irlar vaqtida yuz bergan ikki ko‘chki oqibatida 7 kishi halok bo‘ldi, 46 kishi bedarak yo‘qoldi.

Foto: AP

Mutaxassislarning baholashicha, to‘fon oxirgi 20 yil davomida mamlakatga yopirilgan eng kuchli to‘fon bo‘ldi va katta talafotlarga olib keldi. Minglab uylar tomi uchib ketgan, yuzlab daraxtlar qo‘porilgan. 375 mingga yaqin kishi xavfsiz joylarga evakuatsiya qilingan, yuzlab reyslar bekor qilingan, aeroportlar, maktablar va plyajlar vaqtinchalik yopilgan.

To‘fon vaqtida shamol soniyasiga 90 metr tezlik bilan esgan.

Bedarak yo‘qolganlarni qidirish ishlari davom etmoqda. Vetnam bosh vaziri Nguyen Suan Fuk bunga qidiruv-qutqaruv ishlari va favqulodda vaziyatlarga javob berish milliy qo‘mitasi xodimlari jalb qilinganini ma'lum qilgan.

Tayyorlagan: Шуҳрат Раҳимов

#Viyetnam #to‘fon