Jizzaxda biologik faol qo‘shimchalarning noqonuniy savdosi to‘xtatib qolindi
Ko‘p hollarda sifati kafolatlanmagan yoki shifokor maslahatisiz ichilgan biologik faol qo‘shimchalar inson organizmining yurak-qon tomir va asab tizimlariga zarar yetkazishi hamda ichki organlarning yaralanishiga olib kelishi mumkin. Biroq ayrim kimsalar tomonidan o‘z manfaatini o‘zgalarning sog‘ligidan ustun qo‘yib, ana shunday sifati kafolatlanmagan mahsulotlarni respublikaga olib kirish va sotish holatlari uchrab turibdi.
Jizzax viloyati Bojxona boshqarmasi kontrabandaga qarshi kurashish va bojxona auditi bo‘limi xodimlari viloyat DXX xodimlari bilan hamkorlikda shunga o‘xshash holatning oldini olishdi.
Jizzax shahrida o‘tkazilgan tezkor tadbir davomida fuqaro U.Z. hech qanday hujjatlari bo‘lmagan, xorijda ishlab chiqarilgan, umumiy qiymati 40 million so‘mlik biofaol qo‘shimchalarni sotayotgan vaqtida qo‘lga olindi.
Hozirda holat yuzasidan bojxona organlari tomonidan surishtiruv harakatlari davom ettirilmoqda.
Mavzuga oid
19:48 / 19.09.2024
Jizzaxda boshqaruvni yo‘qotgan “Lasetti” pastlikka ag‘darildi
19:53 / 16.09.2024
O‘zbekiston AQSh bilan bojxona sohasidagi hamkorlikka oid bitimni imzoladi
19:02 / 09.09.2024
Qashqadaryo va Jizzaxda pora olgan ekologiya va qurilish mutaxassislari ushlandi
09:25 / 05.09.2024