Apple kelasi yili o‘z elektromobilini taqdim etishi mumkin
Ma'lumot berilishicha, elektromobil prototiplari Kaliforniyada maxfiy ravishda sinovdan o‘tkazilmoqda, kelasi yil sentyabrda uning taqdimoti o‘tkazilishi mumkin.
Apple kelasi yili o‘zi ishlab chiqargan elektromobilni taqdim etishi mumkin. Bu haqda Economic Daily nashri xabar bermoqda.
Nashr manbasining aytishicha, Tayvandagi Heda, BizLink-KY, Heqin va Tomita kompaniyalari 2021 yilning ikkinchi choragida elektromobillar uchun butlovchi qismlar ishlab chiqarishni ko‘paytirmoqchi. Dastlabki ma'lumotlarga ko‘ra, Apple Car uchun butlovchi qismlarni aynan shu kompaniyalar yetkazib berishi ko‘zda tutilmoqda.
Elektromobil prototiplari Kaliforniyada maxfiy ravishda sinovdan o‘tkazilmoqda, kelasi yil sentyabrda uning taqdimoti o‘tkazilishi mumkin, deb yozadi nashr. Apple sinov o‘tkazish uchun 2017 yilda ruxsat olgandi.
Kompaniya 2019 yilda o‘z elektromobilini ishlab chiqarishni yo‘lga qo‘yishni rejalashtirgandi. Loyiha Titan nomini olgan, uni amalga oshirish uchun xodimlar soni 600dan 1800 nafargacha oshirilgandi.
Mavzuga oid
20:57 / 07.10.2024
Apple yangi qurilmalarni har yili chiqarishni to‘xtatadi - OAV
21:11 / 05.10.2024
6 ming soxta iPhone bilan Apple kompaniyasini chuv tushirgan firibgarlar jazolandi
22:57 / 28.09.2024
Apple OpenAI kompaniyasini moliyalashtirishda ishtirok etishdan bosh tortdi
12:14 / 26.09.2024