Tabiiy gazni yuridik shaxslarga bozor tamoyillari asosida sotish yo‘lga qo‘yiladi

Dasturda quyidagilar nazarda tutilgan:

• tabiiy gazni bozor tamoyillari asosida ulgurji sotish bosqichlari va muddatlarini aniqlash;
• birja savdolarida ishtirok etadigan tabiiy gaz iste'molchilarini «Tabiiy gaz nazorati va hisobining avtomatlashtirilgan tizimi»ga (ASKUG tizimi) ulangan tabiiy gaz oqimini avtomatik ravishda to‘xtatuvchi moslamalar bilan jihozlash;
• Energetika vazirligi, «O‘ztransgaz» AJ va «Hududgazta'minot» AJ o‘rtasida tabiiy gaz iste'moli yuzasidan elektron ma'lumot almashishni yo‘lga qo‘yish.

2021 yilning 10 martiga qadar suyultirilgan gazni bozor tamoyillari asosida sotish mexanizmini jadallashtirish ham belgilandi.

Bunda suyultirilgan gaz bozorida raqobat muhitini yaratish, ishlab chiqaruvchi korxonalarning quvvatlarini oshirish rag‘batlantiriladi. Bundan tashqari, aholi va korxonalarning suyultirilgan gazga bo‘lgan ehtiyojini qondirish uchun qulay shart-sharoit yaratish nazarda tutilgan.