Xitoy pandemiya vaqtida bir tomonlama sanksiyalarni bekor qilishga chaqirdi

Van Ining ta'kidlashicha, Xitoy BMT bilan kelishilmagan holda kiritilgan bir tomonlama sanksiyalarga har doim qarshi bo‘lgan. Shu munosabat bilan u pandemiya ortida “bir tomonlama sanksiyalarning amal qilishini va xalqaro huquq nuqtayi nazaridan asossiz bo‘lgan boshqa choralarning qabul qilinishini to‘xtatib turishga” chaqirgan. U koronavirusga qarshi kurashda xalqaro hamkorlik zarurligini ta'kidlab o‘tgan. 

“Pandemiyaning yangi to‘lqini rivojlanayotgan davlatlarda hamon davom etmoqda. Ixtiloflar yoki gumanitar inqirozlar bor bo‘lgan davlatlar ayniqsa jiddiy qiyinchiliklarga to‘qnash kelmoqda”, deb ta'kidlab o‘tgan Xitoy vakili. 

Van Ining ta'kidlashicha, Xitoy vaksinalar yaratish va ularni ishlab chiqarishda 10dan ko‘proq davlat bilan hamkorlik qilmoqda. Uning aytishicha, Xitoy 53ta rivojlanayotgan davlatlarga ularning so‘rovi bilan vaksinalar taqdim qilgan.

Xitoy tashqi ishlar vazirining ta'kidlashicha, Pekin bu qadamlarni amalga oshirib, “geosiyosiy maqsadlarga erishish, iqtisodiy naf olish yoki siyosiy shartlar qo‘yishni” ko‘zlamayapti, u faqatgina vaksina hamma uchun ochiq bo‘lishiga intilmoqda.