Angliyada taniqli matematik surati tushirilgan yangi banknota taqdim etildi

Angliya banki taniqli matematik va kriptograf Alan Tyuring surati tushirilgan yangi banknotani ishlab chiqdi. Olimning surati 50 funt sterlinglik banknotada aks etadi.

Foto: Bank of England/Handout via Reuters]

Tyuring Britaniyaning Ikkinchi jahon urushidagi g‘alabasiga salmoqli hissa qo‘shgan. U yaratgan formulalar fashistlarning “Enigma” deb atalgan shifrlovchi mashinasi kodlarini o‘qishga yordam bergan.

Kupyuraga olimning suratidan tashqari shu formulalar ham tushirilgan. Aynan ular zamonaviy kompyuter ilmiga asos bo‘lgan.

Yangi kupyurani olimning tavallud topgan kuni – 23 iyunda muomalaga chiqarish rejalashtirilgan.