Senat raisi Qo‘yliqqa borib, mardikorlar bilan uchrashdi

Tanzila Norboyeva bu tumanlardagi kunlik ishchilar markazi faoliyatiga e'tibor qaratdi.

Senat raisi «Qo‘yliq» bozori hududidagi mardikor bozoridagi ishchilar bilan suhbatlashgan, ularni qiynayotgan muammolarni tingladi.

«Shu yerning o‘zida ular nazoratga olinib, tegishli mutasaddilarga ko‘rsatmalar berildi», – deyiladi Senat matbuot xizmati xabarida.

Eslatib o‘tamiz, kuni kecha Kun.uz mardikorlar haqida hikoya qiluvchi videomaterial e'lon qilgan edi. Unda mardikorlikka chiquvchi er-xotin ishsizlik va uysizlikdan qiynalayotganlari haqida so‘zlab bergan.