Yaponiyaga ilk olimpiyachilar yetib keldi
Softbol bo‘yicha Avstraliya ayollar terma jamoasi Tokio Olimpiadasi oldidan yig‘in o‘tkazish uchun Yaponiyaga yetib keldi. Ular Kunchiqar mamlakatga kelgan ilk olimpiyachilar bo‘ldi.
Kyodo axborot agentligining xabar berishicha, terma jamoa samolyoti Narita xalqaro aeroportiga qo‘ngan. 30 kishidan iborat jamoaning barcha a'zolari koronavirusga qarshi emlangan. Ular mehmonxonada 3 kun o‘tkazgach, 5 iyundan mashg‘ulotlarni boshlashadi. Avstraliyalik sportchilar bazasi Gumma prefekturasining Ota shahrida joylashgan. Terma jamoa bu yerda O‘yinlarga tayyorgarlik doirasida 12ta uchrashuv o‘tkazadi.
Aprelda Tokio Olimpiadasi tashkilotchilari sportchilar va ular bilan aloqada bo‘ladigan kishilar har kun koronavirusga test topshirishlari haqidagi kelishuvga erishgandi. Olimpiadaning qolgan ishtirokchilari esa Yaponiyaga kelgandan keyin 3 kun davomida har kun test topshiradi. So‘ngra testlar o‘tkazilishi davriyligi vaziyatga qarab belgilanadi.
2020 yilda o‘tishi kerak bo‘lgan Tokio Olimpiadasi pandemiya sababli 2021 yilga ko‘chirilgandi. O‘yinlar 23 iyulda boshlanib, 8 avgustga qadar davom etadi. 20 mart kuni Olimpiada tashkilotchilari O‘yinlar xorijiy muxlislarsiz o‘tishiga qaror qilgandi. Yaponiyalik muxlislarning Olimpiadaga qo‘yilishi esa mamlakatda koronavirus bilan bog‘liq vaziyatdan kelib chiqib iyun oyida qabul qilinishi rejalashtirilgan.
Mavzuga oid
20:31 / 20.09.2024
Olimpiya shaharchasi hududida xokkey majmuasi qurilishi mumkin
14:53 / 06.09.2024
Sportga xarajatlar: kelajak uchun investitsiyami yoki ortiqcha dabdaba?
20:43 / 05.09.2024
Keniyada Parij olimpiadasida ishtirok etgan marafonchi sevgan yigiti tomonidan yoqib yuborildi
12:04 / 28.08.2024