Tokio ko‘rgazmasida ignadan ip o‘tkaza oladigan robot namoyish etildi

Sammit robototexnika sohasida jahonning yetakchi kompaniyalari ishlanmalari namoyish etilgan eng yirik xalqaro maydonga aylandi.

Ko‘rgazmadagi eng muhim namoyishlardan biri Yaponiyaning GMO Internet Group IT-kompaniyasi tomonidan ishlab chiqarilgan odamsimon robot bo‘ldi. U aeroport logistikasi va yuklarni qayta ishlash ishlari uchun mo‘ljallangan bo‘lib, kompyuter ko‘rish tizimi bilan jihozlangan va inson harakatlariga taqlid qilgan holda mavjud ish jarayonlariga integratsiya qilinishi mumkin.

Honda Motor Company esa ignadan ip o‘tkazish va juda kichik boltlarni burash kabi vazifalarni bajara oladigan robotlashtirilgan manipulyatorni taqdim etdi.

Xitoyning Unitree Robotics kompaniyasi ko‘rgazmada razvedka vazifalari uchun mo‘ljallangan to‘rt oyoqli robotini taqdim etdi.

Sammitda shuningdek ixcham ikki oyoqli robotlar, servis gumanoidlari va logistika, keksalarga g‘amxo‘rlik qilish, sanoat hamda jamoat xizmatlarida qo‘llash uchun mo‘ljallangan robotlashtirilgan avatarlar ham namoyish etildi.