O‘zbekistonda havo harorati yanada ko‘tarilishi kutilmoqda

Joriy yil 3-7 iyun kunlari Eron hududlaridan issiq havo kirib kelishining kuchayishi hisobiga, O‘zbekiston hududida harorat ko‘tarilishi kutilmoqda.

“O‘zgidromet” xabariga ko‘ra, ushbu kunlarda havo harorati iqlimiy me'yorlardan 7-10 darajaga yuqori bo‘ladi.

Ma'lum qilinishicha, kunduz kunlari havo 40-43 daraja issiqqacha, janubda va cho‘l hududlarida ba'zi joylarda 44-46 daraja issiqqacha ko‘tariladi.

Respublika bo‘yicha ba'zi joylarda shamol changli bo‘ron bilan 17-22 m/s gacha kuchayishi mumkin.