Olot va Past Darg‘om tumanlarida IIBga yangi boshliq tayinlandi

Buxoro viloyati Olot tumani hamda Samarqand viloyati Past Darg‘om tumani ichki ishlar bo‘limiga yangi boshliq tayinlangan. Bu haqda viloyat IIV axborot xizmati xabar bermoqda.

Ma'lum qilinishicha, ichki ishlar vazirining shaxsiy tarkib bo‘yicha buyrug‘i bilan podpolkovnik Ismoilov Fayzulla Xikmatovich Buxoro viloyati Olot tumani ichki ishlar bo‘limi boshlig‘i lavozimiga tayinlangan. Tayinlovga qadar F.Ismoilov Buxoro viloyati Qorovulbozor tumani IIB boshlig‘i lavozimida faoliyat yuritgan.

Shuningdek, podpolkovnik Qo‘ziyev Maruf Mardonovich Samarqand viloyati Past Darg‘om tumani ichki ishlar boshlig‘i lavozimiga tayinlangan. Tayinlovga qadar M.Qo‘ziyev Samarqand viloyati IIB Tergov boshqarmasi boshlig‘ining o‘rinbosari lavozimida faoliyat yuritgan.