Jizzax viloyatining uchta tumanida IIB boshlig‘i lavozimiga tayinlov amalga oshirildi

O‘zbekiston Respublikasi Ichki ishlar vazirining buyrug‘i bilan Jizzax viloyatining Arnasoy, Yangiobod va Baxmal tumanlari ichki ishlar bo‘limlariga yangi boshliq tayinlandi. Bu haqda viloyat IIB tomonidan ma'lum qilindi.

Podpolkovnik Rustam Ummatqulov – Arnasoy tumani IIB boshlig‘i lavozimiga tayinlandi. R.Ummatqulov tayinlovga qadar Yangiobod tumani IIB boshlig‘i lavozimida faoliyat yuritgan.

Podpolkovnik Muzaffar Sariqulov - Yangiobod tumani IIB boshlig‘i lavozimiga tayinlandi. M.Sariqulov tayinlovga qadar Arnasoy tumani IIB boshlig‘i lavozimida faoliyat yuritgan.

Podpolkovnik Asliddin Jalolov - Baxmal tumani IIB boshlig‘i lavozimiga tayinlandi. A.Jalolov tayinlovga qadar Mirzacho‘l tumani IIB boshlig‘i lavozimida faoliyat yuritgan.