May oyida 37 mln dollar qiymatida yengil avtomobillar import qilindi

Davlat statistika qo‘mitasi ma'lumotlariga ko‘ra, O‘zbekiston 2021 yilning yanvar-may oylarida xorijdan qiymati 150,9 mln AQSh dollariga teng bo‘lgan 7,7 mingta yengil avtomobillar import qilgan. 

2021 yilning o‘tgan 5 oyi mobaynida O‘zbekiston yengil avtomobillarni eng ko‘p import qilgan davlatlar quyidagicha:

• Koreya – 42,7 mln;
• Xitoy – 41,1 mln;
• Rossiya – 30,5 mln;
• Qozog‘iston – 8,8 mln;
• AQSh – 6,7 mln;
• Tailand – 6,6 mln;
• Polsha – 4,6 mln;
• Germaniya – 3,9 mln;
• Litva – 2,5 mln;
• Yaponiya – 2,0 mln.

Ma'lumot o‘rnida, 2021 yilning yanvar-may oylarida import qilingan elektromobillar uchun 4,6 million AQSh dollari sarflangan.