Ilon Mask Apple’ni tanqid qildi

Tesla va SpaceX kompaniyalari asoschisi Ilon Mask Apple kompaniyasini tanqid qildi. U kompaniyani o‘z mahsulotlarida kamyob kobalt metallini haddan ziyod ko‘p ishlatishda va monopoliyada aybladi.

Foto: Getty Images

Ma'lumotlarga ko‘ra, Apple ayni vaqtda “Titan” loyihasi doirasida o‘zining elektromobilini ishlab chiqish bilan shug‘ullanmoqda. Ushbu avtomobil Tesla elektrokarlariga raqobatchilik qilishi mumkin.

Maskning ta'kidlashicha, Tesla litiy-ion elementlarini ishlab chiqarishdagi asosiy material hisoblangan kobaltni ko‘p ishlatishi haqida yanglish tasavvur bor. Tesla rahbarining aytishicha, aslida bunday emas.

“Tesla deyarli kobalt ishlatmaydi. O‘rtacha ko‘rsatkichlarni olsak, bizga qo‘llanayotgan kobaltning 2 foizi to‘g‘ri kelsa, Apple’ga 100 foizi to‘g‘ri keladi”, deb aytgan Tesla asoschisi.

Mask, shuningdek, Apple’ni App Store servisi orqali dasturlarni o‘rnatish ustidan qat'iy nazorat olib borishini tanqid qilgan.

#Apple #Ilon Mask