Turkiyaning olti viloyatida tabiat yong‘inlari davom etmoqda
Yong‘inlarni o‘chirishga qirqqa yaqin vertolyot, 680ta o‘t o‘chirish mashinasi jalb qilingan.
Turkiyaning olti viloyatida tabiat yong‘inlari davom etmoqda, ammo vaziyat o‘nglanmoqda, deb xabar berdi "Onadolu" agentligi.
O‘rmon va qishloq xo‘jaligi vaziri Bekir Pakdemirlining so‘zlariga ko‘ra, "yong‘inlarga qarshi kurashda ijobiy dinamika kuzatilmoqda". Uning qayd etishicha, 60dan ortiq yong‘in o‘choqlari nazoratga olingan.
Hozirda Antalya, Adana, Mersin, Mug‘la, Usmoniya va Kayserida yong‘inlar davom etmoqda. Yong‘inlarni o‘chirishga qirqqa yaqin vertolyot, 680ta o‘t o‘chirish mashinasi jalb qilingan.
Xabar qilinishicha, to‘rt kishi yong‘in qurboni bo‘lgan, 140 nafarga yaqin kishi shifoxonaga murojaat qilgan.
Anomal jazirama sababli Turkiyaning g‘arbiy va janubiy sohillarida bir necha kundan buyon o‘rmon yong‘inlari davom etmoqda, yuzlab gektar o‘rmon kulga aylangan. Olov Antalya turistik viloyatigacha yetib kelgan.
Mavzuga oid
00:05
Turkiya mudofaasining xarajatlari rekord darajada oshadi
18:44 / 16.10.2024
Turkiya sharqida yana kuchli zilzila sodir bo‘ldi
12:10 / 16.10.2024
Turkiya Markaziy Osiyoni “Turkiston” deb atamoqda: tashqi dunyoning munosabati qanday?
20:33 / 12.10.2024