Yunusobod tumanida yangi mavze tashkil etilmoqda
Yunusobod tumanida yangi mavze tashkil etilmoqda. Bu haqda Toshkent shahar hokimligi xabar berdi.
Qayd etilishicha, normativ-huquqiy hujjatlar loyihalari muhokamasi portalida Yunusobod tumani hokimining “Yunusobod tumani “Otchopar-2” mahalla fuqarolar yig‘ini hududida tashkil etilayotgan mavzega “Manzara” nomini berish to‘g‘risida”gi qarori loyihasi muhokamaga qo‘yildi.
Loyihaga muvofiq, qaror qabul qilingach, “Otchopar-2” mahalla fuqarolar yig‘ini hududida yangi tashkil etilayotgan mavzega “Manzara” nomi aks etgan nomlagichlar o‘rnatiladi va tegishli hujjatlarga o‘zgartirish kiritiladi.
Xalq deputatlari Yunusobod tuman kengashining Ijtimoiy-madaniy sohani rivojlantirish, oila, xotin-qizlar va yoshlar masalalari hamda Sanoat, transport, qurilish, aloqa va aholiga xizmatlar ko‘rsatish masalalari bo‘yicha doimiy komissiyalari hujjat ijrosini nazorat qiladi.
Mavzuga oid
13:40 / 20.08.2024
Toshkentda qalbaki AQSh dollarini sotayotgan shaxslar qo‘lga olindi
13:02 / 23.07.2024
Yunusobod tumanida yangi qurilayotgan binoda yong‘in sodir bo‘ldi
21:47 / 03.07.2024
Yunusobodda suv quvuridagi avariya oqibatlari bartaraf etilmoqda
14:04 / 03.07.2024