![](https://storage.kun.uz/source/7/FvhS8TT7aEZQfG5J4E--pjyrRmqkWgNh.jpg)
Navoiy shahridagi AGTKShda “Labo” mashinasida yong‘in kelib chiqdi. Oqibatda avtomobilning motor, salon, kuzov qismlari va avtomobil shinalari yongan. Bu haqda FVV xabar bermoqda.
Ma'lum qilinishicha, holat 6 avgust kuni soat 09:21 da, Navoiy shahrining Kimyogar mahallasi hududida joylashagan “Zarafshon Fayz Oil” MJChga qarashli AGTKShdan sodir bo‘lgan. Yoqilg‘i quyib chiqish vaqtida “Labo” mashinasi yonib ketgan.
Jalb etilgan 3 ta yong‘in-qutqaruv ekipaji yong‘inni soat 09:23 da o‘rab olib, soat 09:25 da batamom o‘chirgan. Hodisa oqibatida jabrlanganlar yo‘q. Mutaxassislar tomonidan yong‘in sababi va moddiy zarari aniqlanmoqda.
Oldinroq Navoiyda ohak ishlab chiqarish sexida sodir bo‘lgan yong‘inda bir kishi halok bo‘lgandi.