Toliblar xalqaro standartlarga mos davlat qurish niyatida ekanligini bildirdi
Muttaqiyning so‘zlariga ko‘ra, dunyo Afg‘onistonga bosim o‘tkazish o‘rniga mamlakatga yordam berishi lozim.
«Tolibon» harakati mamlakat manfaatlariga javob beradigan va xalqaro standartlarga mos siyosiy tuzum yaratishni ko‘zlamoqda. Bu haqda mamlakat tashqi ishlar vaziri vazifasini bajaruvchi Amir Xon Muttaqiy ma'lum qildi.
«Biz tashqi olam bilan munosabatlarda yangi sahifa ochdik. Biz ichki ehtiyojlarimizga va xalqaro standartlarga mos siyosiy tuzum yaratamiz. «Islom amirligi» dunyoga va mintaqa mamlakatlariga yaxshi munosabatlar o‘rnatish to‘g‘risida murojaat yo‘lladi. Biz biror-bir davlatning ichki ishlariga aralashishga urinmaymiz va ulardan ham shuni kutamiz», — dedi u.
Muttaqiyning so‘zlariga ko‘ra, dunyo Afg‘onistonga bosim o‘tkazish o‘rniga mamlakatga yordam berishi lozim.
«Avvalgi hukumat 20 yil davomida islohotlar o‘tkaza olmadi, endi esa jahon hamjamiyati buni ikki oyda amalga oshirishni talab qilyapti», — dedi u.
Mavzuga oid
16:50 / 11.10.2024
O‘zbek kompaniyasi Afg‘onistonning energetika sektoriga 1 mlrd dollar sarmoya kiritadi
08:10 / 10.10.2024
TIV rahbari Afg‘onistonning O‘zbekistondagi yangi elchisini qabul qildi
20:51 / 04.10.2024
Rossiya «Tolibon»ni terrorchilar ro‘yxatidan chiqarish bo‘yicha ishlarni yakunlamoqda - FXX rahbari
21:27 / 03.10.2024