Avstriyada yangi kansler o‘z lavozimini bajarishga kirishdi

Avstriya xalq partiyasi yetakchisi Karl Nexammer mamlakat kansleri lavozimini bajarishga kirishdi. 3 dekabrda Nexammer partiya yetakchisi va kansler lavozimiga nomzod etib tayinlangandi.

Foto: Reuters

Mamlakat federal prezidenti Aleksander Van der Bellen bungacha ichki ishlar vaziri lavozimini egallagan Nexammerdan qasamyod qabul qilgan.

2 oy davomida kansler vazifasini bajargan Aleksandr Shallenberg avvalgi lavozimiga qaytgan. U Avstriyaning sobiq kansleri Sebastyan Kurs korrupsion mojaro sababli oktyabrda iste'foga ketgandan keyin uning o‘rnini egallagandi. Shallenberg Avstriya xalq partiyasi yetakchisi lavozimida faoliyatini davom ettirgan Kurs siyosatdan butunlay ketishini aytgandan keyin 2 dekabrda iste'foga chiqishini ma'lum qilgandi.