O‘zbekistonda yo‘l qurilishidagi monopoliyaga barham beriladi

Hujjat bilan umumiy foydalanishdagi avtomobil yo‘llari va xo‘jaliklararo qishloq avtomobil yo‘llarini, shaharlar va boshqa aholi punktlari ko‘chalarini qurish, rekonstruksiya qilish va ta’mirlash faqat Avtomobil yo‘llari davlat qo‘mitasining pudratchi tashkilotlari tomonidan amalga oshirilishi bo‘yicha amaldagi tartibni bekor qilish rejalashtirilmoqda.

Shuningdek, yo‘l qurilishiga davlat-xususiy sheriklik asosida xususiy sektorni jalb qilish ham ko‘zda tutilgan.

Bundan tashqari, yo‘l belgilari, axborot ko‘rsatgichlari, yo‘l harakatini tartibga solishning boshqa texnik vositalarini ishlab chiqarish faqat “Uzavtoyo‘lbelgi” DUK tomonidan amalga oshirilishi bo‘yicha amaldagi tartib bekor qilinadi. 

Yo‘l belgilari va axborot ko‘rsatgichlarini o‘rnatish xizmatlariga ham xususiy sektorni jalb qilish mo‘ljallanmoqda.