Ozarboyjonda maxsus vazifalarni bajaruvchi kommando brigadalari paydo bo‘ldi

Ozarboyjonda maxsus vazifalarni bajaruvchi kommando brigadalari tashkil etildi. Bu haqda respublika prezidenti Ilhom Aliyev Hadrut qishlog‘ida harbiy qism ochilishi vaqtida ma’lum qildi, deb xabar berdi “Interfaks-Azerbaydjan”.

Aliyevning ta’kidlashicha, kommando har qanday harbiy vazifani bajarishga jo‘natilishi mumkin. “Bu brigadalarda yaxshi tayyorlangan, vatani uchun o‘zini qurbon qilishga tayyor shaxslar xizmat qiladi. Bu armiyamizning harbiy qudratini sezilarli oshiradi”, deb ta’kidlab o‘tgan Aliyev.

Uning aytishicha, bunday brigadalardan ko‘plab tashkil etiladi.