Shavkat Mirziyoyev Ozarboyjonga jo‘nab ketdi

O‘zbekiston prezidenti Shavkat Mirziyoyev Ozarboyjon prezidenti Ilhom Aliyevning taklifiga binoan 17 may kuni amaliy tashrif bilan Boku shahriga jo‘nab ketdi.

O‘zbekiston rahbari Butunjahon urbanizatsiya forumining 13-sessiyasi tadbirlarida ishtirok etadi.

Forum shaharlarni barqaror rivojlantirish, arzon uy-joy bilan ta’minlash, shahar muhiti sifatini oshirish, iqlim barqarorligi va uy-joyni moliyalashtirish mexanizmlarini takomillashtirish masalalariga bag‘ishlangan

Shuningdek, xorijiy delegatsiyalar rahbarlari bilan bir qator uchrashuv va muzokaralar o‘tkazilishi ham ko‘zda tutilgan.