Shavkat Mirziyoyev Qashqadaryoga jo‘nab ketdi

Prezident Shavkat Mirziyoyev “Uzbekistan GTL” zavodining ochilish marosimida ishtirok etish uchun Qashqadaryo viloyatiga jo‘nab ketdi.

Foto: Prezident matbuot xizmati

Prezident matbuot xizmati xabariga ko‘ra, ushbu majmua O‘zbekistonda yangi sanoat davrining ifodasi, deb baholanmoqda. Yangi zavodda Sho‘rtan gaz-kimyo majmuasining tozalangan metani asosida sintetik suyuq yoqilg‘i ishlab chiqariladi.

Yangi korxona GTL, ya’ni "gazni - suyuqlikka" texnologiyasi asosida yiliga 3,6 mlrd metr kub tabiiy gazni qayta ishlab, 1,5 mln tonna tayyor mahsulotlar - aviakerosin, dizel yoqilg‘isi, nafta, suyultirilgan gaz ishlab chiqarish quvvatiga ega.

Bunday zavod shu paytgacha jahonda faqat 4 ta davlatda – Qatar, Nigeriya, JAR va Malayziyada barpo etilgan.

Tashrif chog‘ida Sho‘rtan gaz-kimyo majmuasining ishlab chiqarish quvvatini kengaytirish loyihasiga ham tamal toshi qo‘yiladi.