Buxoro viloyatining Peshko‘ va Qorovulbozor tumanlariga prokuror tayinlandi. Bu haqda viloyat prokuraturasi xabar bermoqda.
Bosh prokurorining buyrug‘iga asosan adliya maslahatchisi Shuhrat Hikmatov Qorovulbozor tumani prokurori lavozimida ish boshladi. U tayinlovga qadar Peshko‘ tumani prokurori lavozimida faoliyat yuritib kelayotgandi.
Qorovulbozor tumani prokurori lavozimida ishlab kelgan Sobir Qurbonov esa Peshko‘ tumani prokurori bo‘ldi.
