FVV xodimlari osma yo‘llarda qolib ketgan 80 kishini qutqardi
Qutqaruvchilar Chimyon va Bildirsoyda elektr energiyasi uzilgan vaqtda osma yo‘llarda qolib ketgan 80 kishini evakuatsiya qildi. Amirsoy kurortida esa elektr tezda qayta tiklangani uchun FVV yordamiga ehtiyoj qolmagan.
![](https://storage.kun.uz/source/8/woPeSFWxWVwZz4yj-el1W06_YEmUutZ-.jpg)
Foto: Kun.uz
Favqulodda vaziyatlar vazirligi qutqaruvchilari elektr energiyasi ta’minotidagi ommaviy uzilishlar sababli to‘xtab qolgan Chimyondagi osma yo‘ldan 20 nafar, Bildirsoydagi osma yo‘ldan esa 60 kishini evakuatsiya qildi, deb xabar berdi FVV matbuot xizmati.
Shu bilan birga, Amirsoy tog‘-chang‘i kurortida elektr ta’minoti uzilganidan 10 daqiqa o‘tib qayta tiklandi, deya ma’lum qildi oromgoh vakillari. U yerda qutqaruvchilarga ehtiyoj qolmagan.
Bundan tashqari, Favqulodda vaziyatlar vazirligi ko‘p qavatli uylarning liftlarida elektr energiyasi uzilishi oqibatida qolib ketgan o‘ndan ortiq fuqarolarni qutqardi.
![](https://storage.kun.uz/source/8/R1tEnneIYmRPXYwluKZDCDRYbMkXDg8k.jpg)
Vazirlik ehtimoliy avariyalarning oldini olish maqsadida gaz va elektr moslamalarini tarmoqdan vaqtincha uzib qo‘yishni so‘ragan.
Mavzuga oid
![](https://storage.kun.uz/source/thumbnails/_medium/10/g1Ei1Grpptq02adfbEmAt3hE6wdyrLoy_medium.jpg)
12:04 / 13.08.2024
Chimyondagi tog‘da tobi qochib qolgan yigitga yordam ko‘rsatildi
![](https://storage.kun.uz/source/thumbnails/_medium/10/Arrq4MC3xY7wBtgeQh_LP1R4EATLDc2b_medium.jpg)
10:03 / 17.07.2024
Chimyonda adashib qolgan ikki fuqaro qutqarildi
![](https://storage.kun.uz/source/thumbnails/_medium/10/IgbugyoU2pixoIm6jzAipfMVimyxsUbV_medium.jpg)
12:00 / 14.06.2024
Dam olish kunlari So‘qoq va Chimyonga boruvchi yo‘llarda bir tomonlama harakat tashkil etiladi
![](https://storage.kun.uz/source/thumbnails/_medium/10/hI_KqAaVr3DfRhxKY1oNdcFIwEfUwRlY_medium.jpg)
07:42 / 02.01.2024