Tesla Xitoy bozori uchun maxsus avtomobillar ishlab chiqarishga qaror qildi
Tesla dizayn va loyihalash markazi Xitoy poytaxtida 2022 yilda amalga oshiriladigan asosiy loyihalardan biri bo‘ladi.
Tesla kompaniyasi Pekinda Xitoy bozoriga mo‘ljallangan avtomobillarni loyihalash bilan shug‘ullanuvchi dizayn markazi ochishga qaror qildi. Kompaniya bu orqali dunyodagi eng yirik avtomobil bozorida o‘z mavqeyini mustahkamlash rejasini amalga oshirmoqda, deb yozadi South China Morning Pos (SCMP).
Pekin hokimiyatining ma’lumot berishicha, Tesla dizayn va loyihalash markazi Xitoy poytaxtida 2022 yilda amalga oshiriladigan asosiy loyihalardan biri bo‘ladi.
Markaz qurilishi joriy yilda boshlanadi, ammo loyiha qiymati va markaz qachon ochilishi haqida ma’lumot berilmagan.
Xitoy 2009 yilda AQShni quvib o‘tib, dunyodagi eng yirik avtomobil bozoriga aylangan va o‘shandan buyon bu mavqeni saqlab kelmoqda.
O‘tgan yili Tesla Xitoyda 321 ming dona avtomobil sotgan, bu 2020 yildagiga nisbatan 117 foizga ko‘p.
Tesla — Xitoyda dizaynerlik kompaniyasi ochgan birinchi xorijiy avtokompaniya emas. 1997 yilda General Motors (GM) korporatsiyasi Shanhayda Xitoy bozoriga mo‘ljallangan avtomobillarni loyihalash uchun Panosiyo texnik avtomobil markazini ochgan.
Mavzuga oid
18:48 / 28.09.2024
Xitoydan Qirg‘iziston orqali o‘tadigan temir yo‘lning O‘zbekistondagi qismi qachon qurilishi ma’lum bo‘ldi
21:44 / 27.09.2024
Tanzila Norboyeva Butunxitoy qo‘mitasi raisi bilan uchrashdi
12:50 / 27.09.2024
Xitoyda eng yangi atom suvosti kemasi cho‘kib ketdi
12:00 / 27.09.2024