Nukuslik rus yigit: Qoraqalpoqcha gapiraman. Qoraqalpog‘iston men uchun - Vatan

Shavkat Mirziyoyevning Qoraqalpog‘istonga tashrifi davom etmoqda. Tashrif doirasidagi tadbirlarning birida Kun.uz muxbiri rus millatiga mansub haydovchi bilan suhbatlashdi. Fyodor Tsapikovning aytishicha, millati rus bo‘lishiga qaramay, qoraqalpoq tilida bemalol gaplashadi.

"Shu yerda tug‘ildim, o‘sdim. Shuning uchun qoraqalpoqchani yaxshi bilaman. Qoraqalpog‘iston men uchun Vatan! O‘zbekchaga tushunaman. Ammo gapirishga qiynalaman. Katta akam qoraqalpoqchani biladi. Opam unchalik bilmaydi. U maktabda ishlaydi. Rus tilidan dars beradi. Qoraqalpoqchani tushunadi. Ammo gapirishga biroz qiynaladi" deydi, nukuslik haydovchi yigit.