YeI Rossiya neftiga embargo joriy etish masalasini muhokama qiladi

Bryusselda Yevroittifoq mamlakatlari tashqi ishlar va mudofaa vazirlari kengashining yig‘ilishi bo‘lib o‘tadi.

Foto: AFP

Yevronyusning xabar berishicha, Ukrainaga ko‘mak berish, Rossiyaga nisbatan sanksiyaviy bosimning samarasi hamda YeI mudofaa strategiyasi yig‘ilishning asosiy mavzulari bo‘ladi.

Yevropa diplomatiyasi rahbari Jozep Borrelning so‘zlariga ko‘ra, 27 mamlakat vazirlari Rossiya neftiga nisbatan embargo joriy etish masalasini muhokama qiladi.

Kremlning bildirishicha, neft embargosining kiritilishi global energetika bozoriga "jiddiy ta’sir" ko‘rsatadi.