Toshkentda bir guruh shaxslar sotuvchini kaltakladi

Ijtimoiy tarmoqlarda bir necha kishi fuqaroni kaltaklayotgani aks etgan video tarqaldi.

Videodan kadr

Toshkent shahar Ichki ishlar bosh boshqarmasi matbuot xizmati xabariga ko‘ra, joriy yilning 21 mart kuni soat 19:00 lar atrofida Chilonzor tumanidagi avtomobil ehtiyot qismlari do‘konlaridan birida sotuvchilar o‘rtasida janjal kelib chiqqan.

Natijada 27 yoshli sotuvchi tan jarohatlari olib, tibbiy muassasaga yotqizilgan.

Mazkur holat yuzasidan Chilonzor tumani IIB huzuridagi tergov bo‘limi tomonidan O‘zbekiston Respublikasi Jinoyat kodeksining 277-moddasi (bezorilik) bilan jinoyat ishi qo‘zg‘atilgan. Tergov davom etmoqda.