Rossiya qit’alararo ballistik raketasini sinovdan o‘tkazdi
Sinovlar yakunlanganidan so‘ng «Sarmat» strategik ahamiyatga ega raketa qo‘shinlariga topshiriladi.
Arxangelsk oblastidagi Plesetsk sinov kosmodromida «Sarmat» qit’alararo ballistik raketasi sinovdan o‘tkazildi. Bu haqda Rossiya mudofaa vazirligi xabar berdi.
«Parvoz vazifalari to‘liq hajmda bajarildi. Raketaning xarakteristikalari parvozning barcha bosqichlarida tasdiqlandi», — deyiladi xabarda.
Qayd etilishicha, bu davlat sinovlari dasturidan o‘rin olgan ilk parvozdir. Sinovlar yakunlanganidan so‘ng «Sarmat» strategik ahamiyatga ega raketa qo‘shinlariga topshiriladi.
Ochiq ma’lumotlarga ko‘ra, raketaning uzunligi 35,5 metrni, og‘irligi 208,1 tonnani tashkil etadi. Parvoz masofasi 18 ming kilometrga teng.
Mavzuga oid
20:51 / 04.10.2024
Rossiya «Tolibon»ni terrorchilar ro‘yxatidan chiqarish bo‘yicha ishlarni yakunlamoqda - FXX rahbari
18:42 / 04.10.2024
Rossiyada o‘zbek diasporasi yetakchisi noqonuniy migratsiyani tashkil etishda gumon qilinmoqda
09:00 / 04.10.2024
«Gazprom» Rossiyada eng zarar ko‘rgan kompaniyalar ro‘yxatini boshqaryapti
23:19 / 03.10.2024