Qoʻshimcha funksionallar
-
Tungi ko‘rinish
Dam olish kunlari issiq bo‘ladi
Bugun O‘zbekistonning tekislik hududlari bo‘yicha issiq ob-havo bo‘lishi kutilmoqda, faqat ayrim tog‘oldi va tog‘li hududlarda qisqa muddatli yomg‘ir yog‘ishi, momaqaldiroq bo‘lishi mumkin.
“O‘zgidromet” xabariga ko‘ra, aksariyat viloyatlarda kunduzi termometr ustuni 36-39 daraja issiqqa yetadi, shimolda, janubda va cho‘l hududlarda 40-42 daraja issiqqacha bo‘ladi.
Ertadan boshlab O‘zbekiston hududiga Turkmanistondan juda issiq va quruq havo kirib kelishi boshlanadi. Havo harorati kechasi 21-24 daraja issiq, kunduzi 36-39 daraja issiq atrofida, shimolda, janubda va cho‘l hududlarda 42-44 daraja issiqqacha bo‘ladi.
Yakshanba kuni harorat foni kechasi 23-26 daraja issiqqacha, kunduzi 38-42 daraja issiqqacha, shimolda, janubda va cho‘l hududlarda ba’zi joylarda 43-45 daraja issiqqacha ko‘tariladi.
Ayrim tog‘li hududlarda qisqa muddatli yomg‘ir yog‘ishi, momaqaldiroq bo‘lishi mumkin, ba’zi joylarda sel-suv toshqin hodisalari yuzaga kelishi mumkin.
