O‘zbekistonda kasb-hunar maktablariga qabul boshlandi

O‘zbekistonda bugun, 1 iyuldan kasb-hunar maktablariga qabul boshlandi. Bu haqda “Rasmiy xabarlar” kanali xabar berdi.

Joriy yil  9-sinf bitiruvchilarining hujjatlari kasb.edu.uz elektron platformasi orqali 1 iyul kunidan 20 iyul (shu kuni ham) kuniga qadar onlayn qabul qilinadi.

Platformaga tug‘ilganlik haqidagi guvohnoma yoki ID karta ma’lumotlari, 3x4 hajmidagi fotosurat kiritiladi.

2022/2023-o‘quv yili uchun oliy va o‘rta maxsus ta’lim vaziri buyrug‘iga muvofiq 330 ta kasb-hunar maktabiga jami 78 ming 490 ta qabul parametrlari tasdiqlandi.

Shundan, 75 470 ta o‘zbek, 930 ta rus va 2090 ta qoraqalpoq tili guruhlari uchun belgilandi.

Kasb-hunar maktablarida o‘qish to‘liq davlat budjeti hisobidan amalga oshiriladi.